Читать книгу Versamelde werk: Sheila Cussons - Sheila Cussons - Страница 32

Is al my paadjies toegegroei?

Ek het so lig oor hulle gegaan,

met spitse kaalvoet kennis hier

en daar net grondgevat

want oral was die aarde een

vyandigheid van hitte, duwweltjie en mier:

ek sien my nog waaghalsig nael

soos sonde oor die werf wat gloei

en bitsig aan my voetvel byt,

en, kop omlaag, my vasloop teen

die hele Maandagwasgoeddraad

se haelwit selfgeregtigheid.