Читать книгу Hər şey yaxşıya doğru - Vahid Çəmənli - Страница 14

Ruhuma dərd gətirir,

Hər tökülən göz yaşı,

Bir sızlayan görəndə,

Yanır qəlbimin başı,

Dostum, çətin olsa da,

Üzmək axına qarşı,

Sıx dişini dişinə,

Sürünmə dizi üstə…

Ötən günün dalinca,

Boylanma fağir-fağır,

Ümidli sabahlara

Xeyir-bərəkət yağır,

Yer üzündə imanla,

Gəz dolan ağır-ağır,

Heçə hikmət duyarsan,

Eşıtdiyin hər səsdə..

 Qəm çəkməklə qəm artar,

Qəm azalmaz, əzizim.

Keçib gedər bu qəm də,

Belə qalmaz, əzizim,

Ömrə mərhəmət olar,

Möhlət olmaz, əzizim,

Tövbə elə-Tanrıdan

Bəxtinə ağ gün istə…