Читать книгу АСАРЛАР (II жилд) - - Страница 28

Эсиз, эпкинларинг эсиб кетдими?

Сендин шиква айлаб, безиб кетдими?

Тошлар дил қасрингни бузиб кетдими?

Вайронам, ўзингни ўнглай олмайсан.

Дунё мунғираган бир ғариб уйдир.

Аввали, охири кўринмас куйдир.

Сен ўзингни куйдир, мени ҳам куйдир,

Куймасанг бу куйни тинглай олмайсан.

Тунлар бўйнидаги ёқут маржоним,

Ярми қоним бўлса, ярмиси жоним.

Қўйнимда тўлғонган гўзал илоним,

Сен буни ҳеч қачон англай олмайсан.