Читать книгу АСАРЛАР (II жилд) - - Страница 35

Дунё надир? Ошиқларнинг ўтинчидир,

Ошиқлари бу дунёда ўтинчидир.

Тушлар ўчди, ҳушлар учди, қушлар кўчди,

Кўксимдаги дил ҳам букун кўчкинчидир.

Бир бор куйиб куйдим деманг, куйганларим,

Бу куйганим учинчи ё тўртинчидир.

Фаслларнинг видосини қўрқинч деманг,

Қўрқинч асли қалбсиз қолмоқ қўрқинчидир.

Дунё ўтар. Йигитлик ҳам нозанинлар

Кўйлагининг шамолидай ўткинчидир.