Читать книгу Хаһан да хойут буолбатах - - Страница 10

Сахам тылын таптыыбын:

Сэттэ өҥнөөх кустуга

Күндүл халлаан күөнүгэр

Күлүмүрдүү оонньуурун.

Сахам тылын таптыыбын:

Хоһуун булчут өбүгэм

Сыыспат бэргэн ытыытын

Санатарын сэргиибин.

Сахам тылын таптыыбын:

Хоту дойдум кэриэтэ

Хостоотоххо хороммот

Барҕа баайын сөҕөбүн.

Сахам тылын таптыыбын:

Сындалыйбыт сүрэхпин

Саамал кымыс утахтыы

Сөрүүкэтэн киирэрин…