Читать книгу Хаһан да хойут буолбатах - - Страница 22

Хойдубут сулустар куйаартан

Алгыстаах эҕэрдэ ыыталлар,

Саҥа дьыл кэлбитин уруйдаан

Харыйа уоттара сандаарар.

Кэм-кэрдии эргиирин ситэрэн

Эргэ дьыл айанын түмүктүүр,

Дьэрэкээн өҥүнэн дьиримнээн

Дьүкээбил үөрбүттүү үҥкүүлүүр.

Туолбут ый үрдүбэр ыйанан

Түбүктээх сир үрдүн одуулуур,

Ыйдаҥа толбоно кутуллан

Ый кыыһын ыаҕаһын толорор.

Кырдьаҕас халлааным сарыала

Саҕахха саҥалыы саҕыллар.

Тохсунньу кымаахтыыр тымныыта

Бэлиэтин иэдэспэр хаалларар.

Хойдубут сулустар куйаартан

Алгыстаах эҕэрдэ ыыталлар,

Саҥа дьыл кэлбитин уруйдаан

Харыйа уоттара сандаарар…