Читать книгу Хаһан да хойут буолбатах - - Страница 23

Кыра оҕо эрдэххэ

Хонуктар ааһаллара

Нэс оҕус айаныныы

Бэрт бытаан буолаллара.

Саас кэлэн быстыбата

Үөрэх дьыла бүтүөҕүн,

Үрдүкү кылааска тахсан

Кыратык улаата түһүөҕү.

Сайыммыт эмиэ наҕыл,

Кини ыксаабат отой.

Кумаар сиирэ абытай,

Оҕус сиэтэр да эрэй.

Көмүс күһүн дьэ кэлэн

Оскуолабыт аһыллар,

Чиэппэр бүтэрин кэтэһэн

Күнүм-ыйым баранар.

Хаһан улаата охсон

Бэйэбин бас билэбин,

Оскуолабын бүтэрэн

Көччөх буолан көтөбүн.

Дьэ итинник ааһаллар

Дьоллоох оҕо саастарбыт,

Биирдэ өйдөөн кэлбиппит

Бэлиэр улааппыт эбиппит…