Читать книгу Хаһан да хойут буолбатах - - Страница 9

Күммүт бүгүн эрдэлээн

Күлүмүрдүү күөрэйдэ,

Көрсө түһээт, эҕэрдэлээн

Күлэн-үөрэн мичийдэ.

Түннүктэри арыйан

Сырдыгынан сыдьаайда,

Сардаҥата таарыйан

Сыллаталаан ымайда.

Бары туруҥ уһуктан,

Кэлбит күнү уруйдааҥ!

Үтүө күнү Дьылҕа Хаан

Бэлэхтээтэ биһиэхэ!

Бэҕэһээ уонна бүгүн

Хатыламмат кэрэлэр.

Сарсын өссө ордук күн

Эрэнэбит кэлиэҕэр…