Читать книгу Хаһан да хойут буолбатах - - Страница 12

Тулаайах, туллубут сэбирдэх

Түннүгүм анныгар кыстаабыт,

Тоҥ сиргэ, тоҥуу хаар үллүктээх,

Тымныыны тулуйан туораабыт.

Чысхааннаах түүннэргэ түүлүгэр

Сиккиэртэн чэлгийэ тэлимниир,

Сылаас тыал илгийэр тыыныгар,

Сарыалга сууланан дьиримниир.

Сандал саас кэлэрин кэтэһэн

Дьылҕатын ыйааҕын умнубут,

Иккиһин тыллыаҕар эрэнэн

Тугу да атыны билиммэт.

Күүтүүлээх күндүл саас дьэ кэлэр,

Күн уота сыдьаайа сылытар,

Сүүрээннэр чырылыы сүүрэллэр,

Эниэни таҥнары сырсаллар.

Сүүрүктүүн дагдаҥныы устуһан

Сэбирдэх ырааттар ыраатар,

Туманнаах сарсыарда суураллан

Хаарыаннаах эрэлэ умуллар.

Хараара кырдьыбыт сэбирдэх

Хатыҥы курустук одуулуур,

Кинилиин үүт-үкчү көрүҥнээх

Күөх нуолур сэбирдэх суугунуур…