Читать книгу Хаһан да хойут буолбатах - - Страница 14

Кэлиҥ, миэхэ ыалдьыттааҥ,

Нуурал киэһэ, соһуччу.

«Соргу дугуй!» – үөрбүччэ,

Уруйдуоҕум доргуччу.

Кэлиҥ, миэхэ ыалдьыттааҥ,

Сырдык мичээр сэтиилээх,

Кэрэ кэпсээн кэһиилээх,

Сылаас сыһыан аргыстаах.

Кэлиҥ, миэхэ ыалдьыттааҥ,

Остуол тардан көрсүөҕүм,

Чороон иһит туруоруом,

Кымыс кутан күндүлүөм.

Оччоҕуна дьолунан

Аал уотум сыдьаайыа,

Үтүө дьоннуун алтыһан

Санаам күннүү сандаарыа.