Читать книгу Хаһан да хойут буолбатах - - Страница 25

Кырдьаҕас өтөх, санаабар,

Туох эрэ ураты тыыннаах,

Төрүппүт кэс тылын тиэрдэр

Илгийэ кууһар салгыннаах.

Ааспыт кэм сүдү күлүгүн

Ардах да суурайбат эбит,

Омукпут олоҕун туһунан

Өтөх кэпсиирин истэбит.

Эмэх сиэн иҥнэйбит сэргэ,

Сиҥнибит балаҕан онно,

Холумтан буор буолбут күлэ —

Кэпсииллэр элбэҕи миэхэ.

Харахпар сэмээр сэгэйэр

Үйэлэр халыҥ быыстара,

Дьол да, сор да сэргэстэһэр

Саха олоҕун былыргыта.

Кырдьаҕас өтөх, санаабар,

Туох эрэ ураты тыыннаах,

Төрүппүт кэс тылын тиэрдэр

Илгийэ кууһар салгыннаах…