Читать книгу Хаһан да хойут буолбатах - - Страница 11

Түөрт эркиҥҥэ хаайтараммын

Кутум-сүрүн туоххаһыйда,

Күлүм күҥҥэ тардыһаммын

Көҥүл киэбим курастыйда.

Ооҕуй оҕус илимигэр

Санааларым иилистэллэр,

Түүннээх күнүс киирсиитигэр

Сирдээх халлаан силбэһэллэр.

Чөҥөрө чүөмпэ түгэҕин

Бүччүм толкуй уйа гынар,

Халлаан халыҥ хаттыктарын

Халҕаннара хатаналлар.

Төлө көтөн тахсаары

Өйүм-санаам быыппастар…

Хоһуйар хоһуун санааларбын

Хотой курдук көтүттэрбиэн!