Читать книгу Иэйик хоһуйа - - Страница 7

Ырам тыллар – ырыа тыла

Мин сүрэхпэр иитиллэҕин,

Ырам тыына – ырыам тыла

Мин ийэ куппар тыллаҕын.

Иэйэр кутум – ырыа кутум,

Уран тылбар уһуллаҕын,

Доҕуһуолга, кэрэ куоласка

Дьүөрэлэһэ кутуллаҕын.

Мин күндүлүөм эйигин

Ыра ыһыаҕын тылынан,

Толору ырыа куттаах

Кыынньар иэйии кымыһынан.

Сынньан, сылаанньый доҕоруом,

Сылаас сыдьаай тыллартан.

Манньый, астын, сэгэриэм,

Ыралаах ымыы ырыаттан.

Ыраланарым тухары

Ырыа мин сүрэхпэр уйалаах,

Санаам сахалыы саргыта

Ырыам тылыгар тыыннаах.