Читать книгу 2020 нче ел. Шигырь. Том 4. Стихи - Рузил Фазлыев - Страница 25
Сынау
ОглавлениеУзган гомер, җирдә үткән юллар,
Җир йөзендә яши алганнар.
Ялгышулар, абынулар белән,
Боргаланып артта калганнар.
Хисап өчен уйланырга вакыт,
Төзәтергә мөмкин булганны.
Бушатырга хәтер капчыкларын,
Кирәкмәгән белән тулганны.
Байлыгыңда, исраф вакытыңда,
Барысыда бергә җыелган…
Якты эзләредә сызылып калган,
Вак төяге истән җуелган…
Үткән язмыш – хисап кенәгәсе,
Барысыда төгәл язылган…
Төрле гaмәлләрең кылынганнар,
Кылган чакта сәбәп табылган…
Бетмәс кебек мәктәп елларыда,
Имтиханга килеп җителә…
Үтә авыр гыйлем алулары,
Гыйлем җыеп алга кителә…
Гыйлем бит ул, әле гaмәл түгел,
Җиңелерәк кенә юлларың…
Билгенеңдә иң олысы була,
Тормыш юлын ничек узганың.
