Читать книгу 2020 нче ел. Шигырь. Том 4. Стихи - Рузил Фазлыев - Страница 37

Ник язмышларга сораулар,

Язмыш бит ул үтәр юлларың.

Үткәннәрең күрсәтәдә инде,

Ниндиерәк юлчы булганың.

Иң гадие, иң авыры бәлки,

Ул юлларны ничек үтүең…

Язмышыңның әллә гәебеме,

Әзер юлдан читкә китүең…

Язмыш гaеплеме әгәр синең,

Гөнаhларың ашса чамадан…

Белмисеңме кылган гaмәлләрне,

Үзгәртүе кыен яңадан…

Бөтенесе үзеңнеке ләбаса,

Уңга сулга чәчеп яшәүләр.

Рәхәт таба идең вакытында,

Әллә кемдәй булып яшәүдән.

Гaепләмик зинhар язмышларны,

Үзебезнең кылган хаталар.

Тәүбә итә белмәү вакытында,

Кешеләрдә шундый хата бар…