Читать книгу Die Skyn van tuiskoms - Lina Spies - Страница 13

Ons kan alleen swaar dra:

tasse, boeke, leggers

en agter ’n lessenaar voer ons vlot gesprekke;

ons kan ook werklik praat, byna in enige geselskap tuis,

en boonop van mens tot mens,

veral met mans wat minder seks-begaan

graag diskusseer oor Beethoven, Picasso, Baudelaire.

Maar snags hou die matras

– ons kan die beste tog bekostig –

sy vere volgens waarborg stewig

teen die smeking van ons lyf

en begin ons middeleeus-verspot te droom

dat iemand môre dalk ’n meiboom voor ons venster plant