Читать книгу Еракка китеп кара = Взгляни издалека - Мөдәррис Әгъләмов - Страница 81

Ни генә кылыйк икән соң,

И күңел, исәр күңел!

Ни генә кылма, хисләрнең

Басымы төшәр түгел.

Аңладым, безнең арада

Гомерлек бәхәс бара:

Никадәр җылы тудырдык

Бергәләп яна-яна.

Асылда, безнең барачак

Юлыбыз бергә сана!

Януның төрлесе була –

Су гына сибеп кара!

Әйтерсең салкын су белән

Сүндереп була аны?!

Бездәге яну –

Су сипкәч

Көчәя торган яну.