Читать книгу Ак фәрештә = Белый ангел - Рифат Сәлах, Рифат Салах - Страница 11

Күк йөзендә безгә юл күрсәтеп,

Йолдыз тора янып.

Нинди кавемнәргә бүлсәләр дә,

Без – бер халык!

Каракошлар һәрчак яши, безгә

Кыска гомер теләп.

Нинди генә сынау кичерсәк тә,

Без – бер милләт!

Без чыгарбыз әле бу тормышның

Төпләреннән калкып,

Бер шауларбыз әле диңгез булып –

Без – бер халык!

Күк йөзендә үз юлың бар икән,

Ул җирдә дә кирәк!

Ничек кенә дәшсәләр дә безгә,

Без – бер милләт!