Читать книгу Ак фәрештә = Белый ангел - Рифат Сәлах, Рифат Салах - Страница 19

Чит-ят җирдә дисәм, алай түгел –

Таныш аваз килә уңнан-сулдан.

Шул ук пальма монда, шул ук кальга –

Мин бу җирдә бер яшәгән сыман.

Таңнары да нәкъ шул, таллары да,

Таулары да шул ук, шундый биек.

Шул ук өмет монда, шул ук кибет –

Мин бу илдә бер яшәгән кебек.

Упкыны да, дулкыны да шул ук –

Тарих җиле давылланып исте.

Урта диңгез кочагында йөзәм,

Бу дөньяда бер яшәгән төсле.

Хәтеремнең ерак почмагыннан

Эзләп йөрим Сүрия – Шам илен.

Пышын гына хәтер дәшә миңа:

«Мин бит монда бер яшәгән идем…»