Читать книгу Мәхәббәтле көзләрем / Осень, полная любви - Роберт Миңнуллин, Роберт Миннуллин - Страница 13

Алма җыеп алып кердем,

Эшләпәмне тутырып.

Хәзер менә рәхәтләнеп

Ашыйм инде утырып…

Бигрәк матур булып пешкән,

Ашасаң да кызганыч.

Ашамасаң да кызганыч,

Ташласаң да кызганыч…

Ә шулай да, ә шулай да

Ашамый булмас инде.

Менә бу иң тәмлесеннән

Башламый булмас инде…

Алмалар бик күп тә түгел,

Тулмый бугай йөзгә дә…

Борчылмагыз, әгәр туйсам

Калдырырмын сезгә дә.