Читать книгу Каен җылысы = Березовая весна - Мөслимова Фәйрүзә - Страница 37

Алкаларым сыңар-сыңар,

Йә югала, йә сына.

Сыңар-сыңар алкаларым

Үз парларын юксына.

Челтерәми инде күптән

Колагымда тамчылар.

Карыймын да алып куям –

Алкам гел сыңар-сыңар.

Алларымда ничә алка

Моңая ялгыз гына.

Һәркайсына пары кирәк,

Таң булып кабынырга.

Уйнамаган инде күптән

Колагымда таң нуры.

Карыймын да алып куям –

Сыңар алкалар моңлы.

Алкаларның берсенә дә

Тиң түгел башка сыңар.

Шулар сыман парсыз гына

Минем дә гомер узар.

Сокландырмас инде бүтән

Колагымда алкалар.

Карыймын да алып куям,

Һәркайсы сыңар-сыңар.