Читать книгу ШУМ И ГЪУЭГУ - Алим Кешоков - Страница 12

КӀыфӀщ жэщыр икӀи хэкӀуэтауэ

Топ уэным мащӀэу щигъэтау

Борэныр бгыщхьэм щыетащ,

Ар лъохъу пыӀэпӀэу фӀэкӀуэдам.

Нэпкъ лъагэм уэсыр кърепхъых,

Щофийр ар бгыщхьэм, зэм къогъых,

Зэм зеущэхури мэкӀуэдыж,

Нарт шум зыпищӀми къыкъуоуж.

Окоп ныкъуэтӀхэм, уэсыр изщ,

Топышэр къауэм мафӀэ бзийр

Жыр къамэ плъакӀэ пшэм йопыдж,

ЩӀы щтар удыным егъэзджыздж.

Си цейм жьы щӀыӀэр пхолыдыкӀ,

СӀэтын нэбжьыцыр сэ слъэмыкӀ,

Тхьэмахуэ хъуауэ хэт жеяр?

Аращ сипкъ псори щӀэдияр,

Дунейм хуэбагъэ темытыж,

Жэщ уаем псори щодииж,

Силъ плъар етӀани мыупщӀыӀу.

«ЗауэлӀыр сихьэм бий гущӀыӀу»

Ар жысӀэу фӀыгъэм сыщӀохъуэпс.

Мычэму къесми бгыщхьэм уэс

А гугъэр сиӀэу сыпӀыщӀэн?