Читать книгу ШУМ И ГЪУЭГУ - Алим Кешоков - Страница 8

ГуфӀэу сабийхэр, ӀурыщӀэу

Псы Ӏуфэ тафэм щоджэгу,

Cыт къапэщытми ямыщӀэу

ГуфӀэгъуэр щӀэтхэщ я нэгу.

Жырыр жыр пхъашэм текъутэу

Хэт зыщӀэр зауэр щежьар?

ГъущӀым цӀыху къупщхьэр икъутэу

Зи нитӀым Ӏугъуэр щӀэбжьар?

Щхьэщытщ цӀыкӀу джэгухэм ажалыр,

Ар уфэразэу къокӀуэкӀ,

Уэгум бий бзаджэр щокъуалэр,

Къидзыну бомбэр къоплъэкӀ.

А напӀэ-зыпӀэм къэхъуахэр

Хэт иӀуэтэну лъэкӀын?

Нэмыцэм бомбэу къипхъахэм

Сабийр имыхьу хэкӀын?

Фашистыр уэгум къолъадэ,

ХамэщӀым гуауэр щегуэш.

Зигу кӀуэда анэм и хьэдэр

Къупщхьэ зырызу къещып.

Сабий джэгупӀэу а тафэр

ГуӀэпӀэ хэтым ищӀа?

Ӏэщэрщ, зыщӀынур унафэр:

Нэмьцэщ ахэр зыщӀар.

Хей цӀыкӀухэм я лъыр къыдоджэ

Дымыгъэгъуну а лейр.

Уэрщ зауэлӀ хахуэ, ар зэджэр,

Бийм кӀыфӀ хуэпщӀыну дунейр.