Читать книгу ШУМ И ГЪУЭГУ - Алим Кешоков - Страница 25

Я автоматхэр узэдау,

Бийм и быдапӀэм илъэдау

Атакэ кӀуэхэрт зауэлӀ гуп,

Я сумкэр илъу  я щӀыбыку.

ЩопӀэнкӀыр дэни уэшхыу  шэр,

Арщхьэ мышынэу ахэр жэрт.

Биилъ зауэлӀхэм ягъэжащ,

Нэмыцэр щтэри щӀэпхъуэжащ.

Сержант лӀыхъужьхэм я пашар

И гъусэ псоми ятежат.

Ажалыр бийхэм хуигуэшау

ИтӀани щӀалэр емыша!

ПщӀэнтӀэпсыр ӀэкӀэ ирекъуэкӀ,

ФынакӀуэ! – жиӀэу къызоплъэкӀ,

Арщхьэ зауэлӀу и гъусар,

Къэнат, уӀэгъэр ялъысау.