Читать книгу ШУМ И ГЪУЭГУ - Алим Кешоков - Страница 19

УӀэгъэу сэ стелъым

Сихьынущ, си къуэш,

Уэ псэууэ укъонэ—

Насыпыр мыгуэшщ.

Ди хэкум уэ бгъазэм

Мы зымкӀэ солъэӀу:

Си адэм ухуэзэм,

Зы псалъэ жеӀэж:

«ФӀыуэ плъагъуу уи щӀалэр

ЩӀы щӀыӀэм щӀэслъхьащ».

Цеищхъуэ схуищӀамэ,

ФӀэлъапӀэм фӀилъэнщ.

Цейм, еплъмэ, гумащӀэу

Игу и къуэр къэкӀынщ.

Хъыджэбзхэм яхэплъэу

Ар нысэ лъыхъуэн?

Хъыбархэм я гуауэу

Си гугъур уэ хуэщӀ.

Си адэм, сэ сощӀэр,

Ар и гум щӀыхьэнщ

АрщхьэкӀэ и нэпси

Нэм щӀэту плъагъун?

Хъыбару жепӀахэр

ЩӀыхь къабзэу ибжынщ,

Щхьэ тхъуари иӀэту

Ар занщӀэу къоплъынщ.

И къамэм и Ӏэпщэр

Икъузу щытынщ.