Читать книгу Яшьлегем тугае - Фаиль Шафигуллин - Страница 20

Кемнәрнеңдер яшерен куллары

Күккә сыза ялкын юллары.

Томшыгыдай алтын кошларның

Ялтырап китә мачта очлары.

Акчарлаклар ярга очты,

Дулкын шавы янау катыш.

Үксеп куйды корыч мачта,

Әйтерсең бер зәгыйфь камыш.

Җилкән интегә җилсез,

Баеп бара бакыр ай.

Изрәп йоклый чал диңгез,

Яудан кайткан батырдай.

Кемдер суза озын моңлы көй,

Дулкыннарның агышы тын, салмак.

Көмеш нокта булып җемелди

Бик еракта ялгыз акчарлак.