Читать книгу Su üzərində bahar - Rəfail Alı oğlu Tağızadə - Страница 15

Könlünə yatmayanı

sahilə qovan dəniz.

Gülü qoynuna alan

dəniz, könlün nə təmiz.

Sevgilərin sadiqi,

sənə gül gətirmişəm.

Sən ismətli gəlinsən,

üzünə tül sərmisən.

Gülü görüb əllərin

dalğa-dalğa əsəcək.

Gəlib üzümə baxıb,

baxıb məni süzəcək.

Pıçılda qulağıma,

pıçılda duyulanı.

Gəl danışaq; boşaldım

içimə yığılanı.