Читать книгу Гомер биштәре / Котомка жизни - Роберт Әхмәтҗанов - Страница 56

Исте дә җил, тибрәнде кыр –

туган якның ашлыклары;

какты йөрәккә дулкынлап

арышы, ясмыклары…

Чыкты кыйбладан кабарып

күк болыт ястыклары, –

чәчелде-китте җиргә,

и көмеш тәсбихләре!

Яшьнәп-көлеп йөри күктә

җиһанның чал яшьлекләре!..

Ә без, каләм, шул авазга

тәрәзә ачтык бары!

Тышта – күкләр зилзиләсе,

яфраклар пыран-заран!

Баш куйган салкын өлгегә

йодрыктай кызыл яран…

Ява! – күкләрнең рәхмәте,

сүзләре – кәлимәсе…

Шушыдыр Күкләрнең Җиргә

илаһи Поэмасы!