Читать книгу Хатлар язам. Шигырь. Том 5. Стихи - Рузил Фазлыев - Страница 17

Югалтулар чоры килде бугай,

Бүген юллар шунда баралар.

Тайгак юлга җиңел керүләрне,

Аңлый алмый гына калалар.

Югалуга дучар изге булган,

Гореф гадәт, үткән буыннар…

Бер буында шулай югалырмы,

Саклап килгән гасыр буеннан…

Байлык сүзе бары әйбер өчен,

Күңел өчен артык… кирәкми.

Вакыт җитми хәзер анысына,

Күңелләргә берни эләкми…

Кемнәр әле яшәп туя алды,

Шактый гына мая җыепта…

Тынычлану тими ул юлларда,

Тере чакта hәйкәл куепта…

Тереләрнең зыяраты кебек,

Паркларда шикле таш сыннар.

Капка төбе саен әллә hәркем,

Үз hәйкәлен микән… ачсыннар…

Күгәрченнәр генә якын итәр,

Куып торучылар бармаса…

Савап эшләр, бары кыла алып,

Күңелләргә кереп калмаса…