Читать книгу Сны аб Беларусi - Дзмiтрый Кудрэц - Страница 23

Чаго мне не хапае ў жыццi?

Здаецца есць i тое i другое.

А я не здолею сябе знайсцi.

Рукам i галаве няма пакою.

Не здолею адзiны шлях абраць.

Так i блукаю я па завуголлях

I намагаюсь штосьцi адшукаць,

Незадаволены самiм сабою.

Зайздрошчу тым, каго шануе лес,

З маленства хто ў фартуны ў пашане.

Але, што за жыцце без мар, без слез,

Без поспехаў, падзеняў, без жаданняў?

Так i жыву. Цi наяву, цi ў сне

За нейкай дзiўнай марай крочу следам,

Не ведая, чаго не ймецца мне?

Чаго яшчэ ў жыццi мне гэтым трэба?