Читать книгу Күңелем нигъмәтләре = Души моей богатства - Гарифуллин Дамир - Страница 46

Без исәннәр очрашабыз әле,

Күрешәбез әле кайчакта.

Ә үлгәннәр белән күрешеп булмый,

Идел кадәр күз яшь койсак та.

Алар рухын бер дә кимсетмичә,

Сөйләшәбез картлык хакында.

Ә кем белә, бәлкем, ул әрвахлар

Тыңлыйлардыр безне якында.

Тыңласалар сөенерләр әле,

Хөрмәтләгән өчен үзләрен.

Йөрәк түрләрендә саклыйбыз ич

Бу тормышта салган эзләрен.

Ни эшләмәк кирәк, үлем-китем

Тормышларны тар-мар китергәч,

Парлы-парлы йөргән аккошларның

Берәм-берәм берсен үтергәч.

Үлсәләр дә алар, һаман әле

Гомерләрнең матур өлгесе.

Үткәннәр гел искә төшеп тора,

Арттагысы түгел, алдагысы,

Алдагысы безгә билгесез.