Читать книгу Күңелем нигъмәтләре = Души моей богатства - Гарифуллин Дамир - Страница 43

Ярый әле элек танышканбыз,

Бу көннәрнең килерен белгән күк.

Син булмаган булсаң, шиңәр идем

Кыраулардан сулган гөлләр күк.

Исәр-исмәс җилләр сискәндереп

Җан-учакны өреп тергезде.

Чәбәләнеп беткән сөю җебен

Бер ялгыйм дип, әле мең өзде.

Бу дөньяда әле берәүне дә

Аямаган язмыш колы без,

Ялгышлар да тәмам өзалмаган

Мәхәббәтнең сагыш кылы без.