Читать книгу SA kookboek vir allergieë en voedselsensitiwiteit - Hilda Lategan - Страница 10

LEWER 3 PORSIES

Vry van:	K	G	Mi	E	Me	L	So	K+P
•	•	•	•	(•)	(•)	(•)	•

Voedingstofanalise per porsie (± 175-200 ml):
737 kJ	30,7 g CHO	5,5 g proteïen	3,3 g vet
1,0 g MOVS	0,1 g POVS	2,2 g VV	0,2 g vesel

65 g tapioka

100 ml kookwater

500 ml laevetmelk

1 kaneelstokkie

10 ml suiker

’n knypie sout

2,5 ml vanieljegeursel (opsioneel, kan tartrasien en/of karamel bevat)

1.Laat week die tapioka vir 30 minute in die kookwater.

2.Verhit die melk en kaneelstokkie saam tot kookpunt en roer die geweekte tapioka en enige weekwater by die kokende melk. Verhit die mengsel weer tot kookpunt, roer en kook vir 5 minute sonder om dit te laat aanbrand, totdat die tapioka deurskynend en die melk verdik is. Roer die suiker, sout en geursel (indien jy dit gebruik) by die gaar mengsel.

3.Sit die melkkos met kaneelsuiker voor.

Kan ek dit bêre?

Die melkkos smaak die lekkerste wanneer dit pas berei is, maar dit kan vir 24 uur verkoel word. Bevriesing word nie aanbeveel nie.

VOORSTELLE EN VARIASIES•Melkkos met sago: Vervang die tapioka deur dieselfde hoeveelheid sago.•Vervang die melk deur laktosevrye melk, byvoorbeeld Parmalat Easy Gest, dan is die gereg laktosevry maar nie melkvry nie.•Vervang die melk deur sojamelk, dan is die gereg melk- en laktosevry maar nie sojavry nie.•Vervang die melk deur klappermelk of rysmelk, dan is die gereg melk- en laktosevry.