Читать книгу SA kookboek vir allergieë en voedselsensitiwiteit - Hilda Lategan - Страница 14

LEWER 2 PORSIES

Vry van:	K	G	Mi	E	Me	L	So	K+P
•	•	•	•	•	•	•	•

Voedingstofanalise per porsie (± 200 ml):
577 kJ	30,2 g CHO	0,6 g proteïen	0,0 g vet
0,0 g MOVS	0,0 g POVS	0,0 g VV	3,2 g vesel

200 g groen appels, ontkern en met die skil in skyfies gesny (± 2 appels)

¼ middelslag- Engelse komkommer, met die skil in skyfies gesny (± 40 g)

2 selderystingels met blare, afgespoel en gekap (± 20 g)

’n duimlengte vars gemmerwortel, geskil en gekap

250 ml appel- of peersap sonder preserveermiddels, bv. LiquiFruit of Ceres

koue water

1.Plaas die appel, komkommer, seldery, gemmer en appel- of peersap in ’n versapper. Voeg koue water by soos nodig en verpulp tot glad en skuimerig. Gooi die drankie in ’n glas en drink dadelik.

Kan ek dit bêre?

Die drankie behoort gedrink te word sodra dit gemeng is en sal mettertyd uitskei.

VOORSTELLE EN VARIASIES•Vervang die appels deur vars pere.•Vervang die komkommer deur jong murgpampoentjies.•Voeg jong beetblare of babaspinasieblare by.