Читать книгу SA kookboek vir allergieë en voedselsensitiwiteit - Hilda Lategan - Страница 12

LEWER 4 PORSIES

Vry van:	K	G	Mi	E	Me	L	So	K+P
•	•	•	•	(•)	(•)	(•)	•

Voedingstofanalise per porsie (± 200 ml):
701 kJ	24,5 g CHO	5,6 g proteïen	2,7 g vet
0,7 g MOVS	0,1 g POVS	1,9 g VV	4,3 g vesel

250 g vars veselvrye mango, in blokkies gesny (± 400 g met die skil en pit)

250 ml ongegeurde laevetjogurt

250 ml laevetmelk

115 g-blikkie grenadellamoes (± 4 vars grenadellas)

15 ml vars suurlemoensap

koue water

1.Plaas die mango, jogurt, melk, grenadellamoes en suurlemoensap in ’n versapper. Voeg koue water by soos nodig en verpulp tot glad en skuimerig. Gooi die drankie in ’n glas en drink dadelik.

Kan ek dit bêre?

Die drankie behoort gedrink te word sodra dit gemeng is en sal mettertyd uitskei.

VOORSTELLE EN VARIASIES•Vervang die mango deur ander geel vrugte, soos papaja of nektariens.•Vervang die vrugte deur aarbeie of vars of bevrore bessievrugte, soos bloubessies, appelliefies, frambose of moerbeie.•Vervang die jogurt deur sagte tofu en die melk deur sojamelk of klappermelk. As sojamelk en tofu gebruik word, is die drankie melk- en laktosevry maar nie sojavry nie.•Vervang die grenadellamoes deur lemoen- en/of mangosap sonder preserveermiddels, soos LiquiFruit of Ceres. Vars lemoensap kan die vrugtedrankie vinniger laat uitskei.