Читать книгу Гомер биштәре / Котомка жизни - Роберт Әхмәтҗанов - Страница 78

Сине нинди җилләрдән сакларга,

араларга давыллардан,

якларга нинди кайгылардан,

ут-күздән, кыен сүздән?

Бу ояда сиңа да

канат чыгар тиздән.

Сине ничек сакларга,

тидермичә ятлардан?

Китәсең кереп күк асларына, –

тере нокта!

Ничек сине сакларга

шушы олы дөньяда?

Син бөҗәк түгел,

керергә яфрак астына,

син балык түгел,

посарга

дулкын арасына,

син киек түгел,

күмелергә урманнарга.

Син – кояш астында!

Заманага туры!

Ничек кенә сакларга

Җырлы йөрәгеңне

Кыраулардан,

нәни кешем?!