Читать книгу Мәхәббәтле көзләрем / Осень, полная любви - Роберт Миңнуллин, Роберт Миннуллин - Страница 38

Нәргизә чәчәк ярата,

Булса да кеп-кечкенә.

Чәчәк күрсә, туктамыйча

Китә алмый һич кенә.

Матур-матур чәчәкләрне

Әллә каян таный ул.

Чәчәкләрне ләкин өзми,

Иснәп кенә карый ул.

Күрсә матур чәчәкләрне,

Нәргизә и сөенә!

Сөенечтән бии башлый

Шул чәчәкләр көенә…

Нәргизә чәчәк ярата!

Ул үзе дә гөл-чәчәк!

Үскәчтен, гөл-чәчәкләрне

Үзе дә үстерәчәк!