Читать книгу Белорусский дневник – 2022 - Владимир Николаевич Кулик - Страница 6

Штодня палохаюць вайной:

Вось-вось пачнецца, грымне…

Заплаціць свет нямой цаной —

Усё жывое згіне…

Як ашалелыя чмялі,

Гудуць, гугняць няспынна…

Абрыдла жыць вам на зямлі —

Кідайцеся на міны.

Дарэмны, марны ваш хаўрус!

Вам, нелюдзі-паганцы,

Не ўдасца знішчыць Беларусь —

Мы не дадзім вам шанцаў!

Нязломкі, з моцных мы парод,

З непераможнай верай.

Загартаваны наш народ

На шмат вякоў наперад.

З вайной жартуеце дарма:

Не аддадзім мы волі,

Не будзе вашага ярма,

Не будзе аніколі!

Тым, хто гундосіць марш такі,

Хто нам рыхтуе бойню,

Павырываць бы языкі —

І жыў бы свет без войнаў.