Читать книгу Каеннар сары иде - Хәсән Туфан - Страница 56

Юл ташларына

Яфрак коела,

Аккошлар инде

Юлга җыена.

Киткән кошларга

Адреслар бирсәм,

Идел буеннан

Узарлар микән?

И нурлы Казан –

Туган ил төсе,

Синең ташларда

Бабайлар эзе.

Алсу Алтайда,

Зәңгәр Байкалда

Истә син, Казан,

Истә һәркайда.

И якты Казан,

Синең нурларың –

Кыйбласы безнең

Озын юлларның.

Кем кайтмый калыр

Туган иленә?

Кошлар да кайта

Үскән җиренә.

Еракта да син

Йөрәккә якын;

Торган җир – көмеш,

Туган җир – алтын.

Туган җир якын!

Туган тел якын!