Читать книгу Ихлас тойгылар / Искренние чувства - Илдус Гыйләҗев - Страница 73

Үткәнеңдә синең казынмадым,

Сәбәпләрең яхшы беләсең.

Һәрвакытта сине бүгенгечә

Матур итеп килә күрәсем.

Ялгышларсыз яшьлек буламыни?

Үткән-беткән, искә төшермик.

Төпченсәм дә, барсын сөйләмәссең.

Синдә калсын, әйдә, тикшермик.

Гел битараф икән, димә ләкин,

Чын фикерне соңрак белерсең.

…Алла бар бит әле бездән өстен,

Хак җавапны аңа бирерсең…