Читать книгу Voetspore 2 - Johan Badenhorst - Страница 7

Voordat die son hoog sit

Ontbyt op safari bestaan gewoonlik uit koffie en beskuit, en graanvlokkies vir die kinders. Daar is egter soms die kans om iets spesiaals te maak. Dis gewoonlik wanneer jy ’n paar dae lank op ’n plek oorstaan of uitry na ’n mooi plek spesifiek om daar ontbyt te gaan maak.

Eiers is feitlik oral te koop. Dit is egter altyd verstandig om die eiers, selfs dié wat jy by Woolies gekoop en die hele pad saamgery het, een vir een in ’n piering te breek voordat jy dit by die res van die gereg gooi. Een vrot eier kan maak dat almal daardie oggend bokspap eet.