Читать книгу Казан – Мәскәү / Казань – Москва - Ленар Шаех - Страница 60

Килеп кердек сары көзгә дә…

Гамьле каен җиргә тезләнә…

Төссезлектә җаным югала,

Буш тарафтан мине юллама.

Бураннардан мине эзләмә,

Юлыкмассың минем эзгә дә…

Кулга алсаң, кар да югала…

Ак карлардан мине юллама…

Тереклекне саклар өчен лә,

Бөре тибә кайры эчендә.

Умырзаяларны өзмә син,

Иртә яздан мине эзлә син…