Читать книгу Казан – Мәскәү / Казань – Москва - Ленар Шаех - Страница 61

Мин җансыз яшәдем бугай

Тулы бер мәңгелек буе.

Күз төпләрем салкын иде,

Күңелемдә – кипкән кое…

Җан өрдең син һәм тудырдың

Мине сөю өереннән.

Күңелемдә коем шашкын

Хисләр белән өерелгән.

Ташып чыккан, мөлдерәмә…

Күзләремдә – яшәү моңы,

Сулышымда кайнар вулкан –

Бәхет тыны, сөю тыны…

Җанымның кап уртасында

Гөлләр үскән кочак-кочак.

Ут-чәчәкләр арасында

Мәңге сүнмәс эссе учак.