Читать книгу Каханне (зборнік) - Мікола Калядны - Страница 3

– Адкуль ён?

– З Ліцвініі, вашая імасць. – Добры край. Нам шанцуе на яго прадстаўнікоў. Але чамусьці адтуль даўно нікога не было.

– Там зараз неспрыяльныя ўмовы: зашмат ліхасці.

– Дзе яе толькі няма. Нам з ёю яшчэ доўга ходацца. Не прамарудзілі мы з ім?

– Так, ён крыху старэйшы, чым трэба, але вельмі здольны. Гэтак лічыць Альгерд.

– Альгерд ведае людзей. Абы каго не возьме. Аднак ім будзе цяжка.

– Сапраўды, выпадак вынятковы. А калі нам было лёгка?

– Дзеля гэтага і жывём. Як ён пачувае сябе?

– Пакуль непрытомны. – Калі агоўтаецца, уважліва паназірайце за ім: першыя ўражанні існыя і праўдзівыя.