Читать книгу Su üzərində bahar - Rəfail Alı oğlu Tağızadə - Страница 25

Ömrümüzə anbaan

gün çıxır,

külək əsir,

yağış yağır,

qar yağır.

İçimizdə həm sevinc,

həm də bir ayrılıq var.

Əlimizə gələnlər,

əllərdə qalmır daha.

Satılan ucuz olur,

alınan min qat baha.

Dərd durub özü gəlir

üstümə aram-aram.

Deyir: «Səninlə varam,

mən səni unutmaram».

Ömrümüzə anbaan

gün çıxır,

külək əsir,

yağış yağır,

qar yağır.

Qar yağır ağır, ağır.

Bu bir tale havası.