Читать книгу Гомер биштәре / Котомка жизни - Роберт Әхмәтҗанов - Страница 27

Бу бусага – тормыш чиге,

хаклык торсын сакта.

Намус калсын безнең белән,

ялган – теге якта.

Тугрылык калсын безнең белән,

гайбәт – теге якта!

Теге якта – кәгазь гөлләр,

көя кискән уют;

базарның таш мәчеләре

утыра анда оеп!..

Кала шулай,

кала бездән, –

бөтен чүп-чар кала!..

Иске бистә каршысында

калка яңа кала.

Без генәме? Ил күченә,

күчеш бара һаман;

җырлап яңа калаларга

күченә яңа заман.

Күченә яңа заманга

гүзәл яңа гадәт…

Хәерле юл, күчүчеләр,

сезгә изге сәгать!