Читать книгу Gözlərimin işığında. şerlər - Vahid Çəmənli - Страница 16

Dedim, qəsd eləmə şirin canına,

Dərdini, sərini içib dünyanın.

Nəyi var, nəyi yox, duymaq çətindi,

Bu zalım dünyanın,

nəcib dünyanın.

Balı zəhər dadır, zəhəri baldı,

«Kalı dəymiş olur, dəymişi kaldı».

Kimə gözləri kor, dilləri laldı,

Kimə qılıncı var əcəb dünyanın…

Kimlərin üstündə əsdi nanə tək?

Kimlərə cirəylə verdi duz – çörək?

Kimlər sellərinə qərq oldu görək?

Kimlər körpüsündən keçib dünyanın?

Vüqardan nə xəbər soruram ondan,

Üzümə candərdi gülür yalandan…

Bəlkə əl götürüb buz qucağından,

Zərif gül bağına köçüb dünyanın.

Ay Vahid, dağ basır yüz əhli hala,

Sən saga çəkirsən, o çəkir sola…

Bir gün sən də durub düşərsən yola,

Boyuna boz qatma ölçüb dünyanın…