Читать книгу Gözlərimin işığında. şerlər - Vahid Çəmənli - Страница 21

Ağlımı başımdan almışan gözəl,

Bilmirəm dünyanın harasındayam.

Canlılar içində axtarma mənı,

Çoxdan cansızların sırasındayam.

Elə düşmüşəm ki özüm də şərə,

Görünmür gözümə daha yan-yörə…

Bölüb kipriklərin məni yüz yerə,

Bilmirəm, heç hansı parasındayam.

Vədəsiz bu sevda canımı sıxdı,

Aldığım nəfəs də nəfəs yox, ahdı…

Ay Vahid, aram ol, Vallah günahdı,

Çəhənnəm əhlinin arasındayam.