Читать книгу Gözlərimin işığında. şerlər - Vahid Çəmənli - Страница 6

Allah, Allah gül üstündə zərdi bu,

Ya zərin üstündə nur danəsidir?

Ağlımı başımdan alıb apardı,

Başım cəhənnəmin viranəsidir.

Sərxoş tək gəzirəm dağı, aranı,

Xəyalı coşdurur, qaynadır qanı…

Gəzirəm İranı, Rusu, Turanı,

Tapmıram, – bu məhşər nişanəsidir.

Bəlkə imdadıma yetə bir nəfər:

Nişanı belədi, – Gövhərdi, gövhər.

Dili, dişi incə, saçları ənbər,

Gözləri günəşin həmxanəsidir.

Qaməti bənzəyir cənnət gülünə,

Hindistan qəndini əzib dilinə…

Zülfün dəstələyib alsa əlinə,

Deyərsən, cənnətin pərvanəsidir.

Yerin behişt olsun, Nəbati baba,

Dözmədin hicrana, – sənə mərhaba!

Bəs Vahid neyləsin ey piri – Xuda,

Məcnun tək dəlisi, divanəsidir.

17.11.2018