Читать книгу Яктылык сулышы = Дыхание света - Альфия Ситдикова - Страница 6

Көне-төне юк-бар уйлап йөрим,

Вак-төяккә уем бәйләнгән.

Азмы-күпме авыз итеп яшим

Ачы-төче сыек әйрәннән.

Аркылыга-буйга йөреп иңлим

Аллы-гөлле хыял дөньясын.

Аллы-арты килсен борчу-шатлык,

Ут-суларга төшү булмасын.

Иртә-кичем аклы-каралы да,

Кайчак күрмим акны-караны.

Азмы-күпме аркылыга-буйга

Үлчәп йөрим ике араны.

Тормыш дәвам итә алга таба,

Кайта-китә хыял иленә.

Дөнья күзләп тора яшәвемне,

Таянган да нечкә биленә.